اسلام آباد۔30اپریل(اے پی پی) وزارت مذہبی امورسرکاری سکیم دے سارے عازمین حج کوں آکھیے جو اوآپݨی موبائل ایپ وختی ݙاؤن لوڈ کرن تے ایندی رہنمائی دے مطابق اپݨے متعلقہ حاجی کیمپ نال رابطہ کرن ۔ وزارت مذہبی امور دے ترجمان موجب سرکاری سکیم دے سارے عازمین حج سانڳے پاک حج ایپ ڈاؤن لوڈ کرݨ لازم اے ۔ انہاں سرکاری سکیم دے عازمین کوں آکھیے جو او ایں ایپ دے ذریعے ملݨ آلے نوٹیفکیشن موجب او آپݨے متعلقہ حاجی کیمپ اچ ونڄ تے ویکسین لواوݨ دے نال نال دوائیں دی پیکنگ تے حج گفٹ دی وصولی یقینی بݨاون ۔ انہاں آکھیے مرد عازمین حج کوں حاجی کیمپ توں ھک وݙا ٹرالی بیگ ، ہنڈ کیری بیگ ، شوز بیگ، احرام اتے بیلٹ ݙتی ویسی جݙاں جو تریمتاں کوں سکارف ݙتا ویسی۔ ایں توں انڄ سرکاری سکیم دے سارے عازمین کوں سعودی موبائل سم ݙتی ویسی ۔ ترجمان موجب اڄوکے سال سرکاری حج پیکج اچ حجاز مقدس اچ پڄݨ تے عازمین کوں ایئرپور ٹ توں رہائش ٹرانسپورٹ ݙیوݨ دے نال نال 24 گھنٹے کہیں وی ویلھے حرم ٹرانسپورٹ انٹرسٹی بس، ترائے ٹائم روٹی ٹکر ، منیٰ ، مکتب اتے ریل ڳاݙی دی سہولت توں علاوہ وطن واپسی تے 5 لیٹر زمزم ݙتا ویسی۔
.jpg)
