اسلام آباد۔26مئی (اے پی پی):وفاقی وزیر اطلاعات، نشریات، قومی ورثہ و ثقافت عطاءاللہ تارڑ ٹی وی، فلم، تھیٹر اتے ریڈیو دے عظیم اداکار اتے صداکار طلعت حسین دے انتقال تے ݙکھ افسوس کیتے ۔ آپݨے تعزیتی بیان اچ وفاقی وزیر مرحوم دے اہل خانہ نال تعزیت اتے ہمدردی دا اظہار کریندے ہوئیں طلعت حسین دے انتقال دی خبر سݨ تے دلی افسوس تھئے ، طلعت حسین ھک منفرد فنکار ہن جنہاں آپݨی آواز اتے اداکاری نال ہر کردار کوں زندہ کیتا ۔ مرحوم ھک حقیقی استاد ہن، انھاں دی وفات توں فنون لطیفہ دی دنیا ھک عظیم فنکار توں محروم تھی ڳئی اے ۔ وفاقی وزیر آکھیے طلعت حسین ہمیشہ ساݙے دل اچ زندہ رہسن انہاں دعا کیتی جو اللہ تعالیٰ مرحوم کوں آپݨے جوار رحمت اچ جاہ ݙیوے تے لواحیقن کوں صبر ݙیوے ۔ آمین
