لاہور۔21نومبر(اے پی پی) وزیراعلی پنجاب مریم نوازشریف دی صدارت اچ اتھاں خصوصی اجلاس تھئے جئیں اچ سکول ایجوکیشن ڈیپارٹمنٹ متعلق امور دا تفصیلی جائزہ ڳھدا ڳئے تے جنوبی پنجاب دے ترائے ضلعیں اچ جاری سکول میل پروگرام تے رپورٹ پیش کیتی ڳئی ۔ اجلاس اچ آؤٹ آف سکول ٻالاں سانڳے فارمل لرننگ سنٹربݨاوݨ دا فیصلہ ،پنجاب دے پی ایس آر پی سکولاں اچ پنج ہزار نویں کلاس رومز بݨاوݨ دی مںظوری ،سکولاں دی تعمیر ومرمت سانڳے ری والونگ فنڈز قائم کرݨ دی تجویز تے طلبہ اچ مطالعہ دی عادت دے ودھارے سانڳے سرکاری سکولاں اچ موبائل بس لائبریری پراجیکٹ لانچ کرݨ تے غور کیتا ڳئے ۔وزیراعلی مریم نواز شریف آکھیے طلبہ دی لرننگ کپیسٹی ودھاوݨ کیتے نویں ماڈرن لیب بݨائیاں ویسن ،سرکاری سکولاں اچ یونیفارم دی پابندی یقینی بݨائی ونڄے، پنجاب دے سرکاری سکولاں دا معیار چنڳے پرائیویٹ سکولاں توں بہتر کرݨ ساݙا عزم اے ۔ ایں موقع تے وزیراعلی مریم نواز شریف کوں بریفنگ اچ ݙسایا ڳئے 3527 سکولاں اچ ھک کروڑ 32 لکھ توں ودھ ملک پیک ونڈیے ڳئن ،سکول میل پروگرام شروع تھیوݨ دے بعد 38ہزار توں ودھ نویں طالبیں دی انرولمنٹ مکمل، طلبہ کوں کھیر پیک متعلق روزانہ ڈیش بورڈ تے رپورٹ پیش کیتی ویندی اے ۔ بریفنگ اچ ݙسایا ڳئے سکول میل پروگرام دے اجرا دے بعد ٻالاں دے کیلشیم ٹیسٹ وی ڳھدے ویندن ،پبلک سکول ری آرگنائزیشن پروگرام اچ شامل سکولاں اچ انرولمنٹ اچ 34فیصد ودھارا جݙاں جو پی ایس آر پی فیزون اچ شامل 5675 سکولاں اچ ھک لکھ 21ہزار توں دھ نویں طالبیں داخلہ ڳھدے جیں دی سپیشل مانیٹرنگ یونٹ 60 فیصد نویں داخلیں دی تصدیق کرڳھدی ۔ بریفنگ اچ وزیراعلی کوں ݙسایا ڳئے پبلک سکول ری آرگنائزیشن دے بعد سکولاں اچ استاداں دی حاضری اچ 164فیصد ودھارا تھئے ،ہر ڈویژنل ہیڈ کوارٹراچ پی ایس آر پی فیز ون دے استادیں دے ست ٹریننگ سیشن مکمل تھئن استاد سمارٹ کلاس ٹیکنالوجی دے ذریعے پرے دیہات دے ٻالاں کوں پڑھیسن جݙاں جو سولر ٹیکنالوجی نال منسلک سمارٹ بورڈدے ذریعے ٻالاں کوں پڑھایا ویسی ۔ بریفنگ اچ ݙسایا ڳئے جو شہراں دے مضافاتی علاقیں اچ آئوٹ آف سکول چلڈرن دی تعداد ساریں توں ودھ اے ،آئوٹ آف سکول چلڈرن دے 95فیصد والدین ٻالاں کوں پڑھاوݨ چاہندن ۔ وزیر اعلی مریم نوازشریف سکول میل پروگرام تے ٻئے پراجیکٹ دی کامیابی تے صوبائی وزیر تعلیم رانا سکندر حیات تے انھاں دی ٹیم دی کاکردگی دی تعریف کیتی تے مبارخ ݙتی۔
.jpg)
