رياض – پهرين ڊسمبر(اي پي پي) سعودي دفاع واري وزير شهزاده خالد بن سلمان سان ايراني فوج جي چيف آف اسٽاف ميجر جنرل محمد باقري ٽيليفون تي رابطو ڪيو. سعودي خابرو اداري ايس پي اي مطابق هنن عسڪري ۽ دفاعي شعبي ۾ ايران ۽ سعودي عرب جي ٻه طرفا لاڳاپن جو جائزو ورتو ۽ گڏيل دلچسپي جي مختلف موضوعن تي خيالن جي ڏي وٺ ڪئي. ٻئي پاسي سعودي دفاع واري وزير سان يمن لاءِ گڏيل قومن جي خاص ايلچي جي ملاقات دوران يمني ڌرين وچ ۾ روڊ ميپ ۽ امن عمل ۾ مدد جي حوالي سان سعودي ڪوششن جو جائزو ورتو ويو. اها ملاقات گڏيل قومن جي سرپرستي ۾ يمني بحران ختم ڪرائڻ لاءِ جامع سياسي حل تائين پهچڻ جي ڪوششن جو حصو آهي.