اسلام آباد – 07 جون (اي پي پي) قومي سلامتي ڪميٽي افغانستان ۾ سلامتي جي بگڙجندڙ صورتحال تي ڳڻتي جو اظهار ڪندي ان ڏس ۾ پاڪستان تي بي بنياد الزامن کي سختي سان رد ڪري ڇڏيو ۽ چيو آهي ته هو پاڪستان دشمن عنصر جي اداره جاتي تعاون کان چڱي ريت آگاهه آهي ۽ مستقبل جي خطرن کي ڀرپور انداز ۾ منهن ڏيندي پنهنجو دفاع ڪندو. قومي سلامتي ڪميٽي جو خصوصي اجلاس وزيراعظم محمد نواز شريف جي صدارت ۾ ٿيو جنهن ۾ قومي ۽ علائقائي سلامتي بابت معاملن جو جائزو ورتو ويو، اجلاس ڪابل ۾ دهشتگردي جي تازن واقعن جي سخت مذمت ڪندي چيو ته افغان عوام جي ڀرپور حمايت جي پڪي عزم تي قائم آهيون.