اسلام آباد – 18 جون (اي پي پي) وفاقي ڪابينا ايڪٽ آف پارليامينٽ 2017ع تحت گذريل 10 سالن دوران 24 هزار ارب ٻاهرئين قرضن جي ڪري ۽ انهن جي استعمال جي ڇنڊڇاڻ جي لاءِ اعليٰ اختياراتي ڪميشن جوڙڻ جي منظوري ڏئي ڇڏي آهي، اعليٰ اختياراتي ڪميشن جو سربراهه اصغر حسين هوندو. وزيراعظم عمران خان جي صدارت ۾ وفاقي ڪابينا جو اجلاس ٿيو. اجلاس کانپوءِ وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ وزيراعظم جي احتساب بابت خصوصي معاون شهزاد اڪبر سان گڏ ميڊيا کي بريفنگ ڏيندي ٻڌايو ته جون 2008ع ۾ ملڪي قرض 6690 ارب رپيا هو جيڪو سيپٽمبر 2018ع ۾ 30846 ارب رپين تائين پهچايو ويو.
